Автор: Данил Хармс

Во круговите на руската уметничка авангарда Данил Хармс (1905-1942) се појавува кон средината на дваесеттите години и речиси веднаш зазема едно од челните места. Извонредно се снаоѓал во сите книжевни жанрови, но многу често ги пречекорувал жанровските и формалните граници, доживувајќи го „пишувањето како празникњ. Својата поширока книжевна слава Хармс ја стекнува неколку децении по смртта, дури во осумдесеттите и деведесеттите години на минатиот век.