Краткиот роман Цинк се вреднува меѓу најдобрите книги на Албахари. Станува збор за обработка на старата книжевна тема со митски димензии: односот татко-син. Соочувајќи се со умирањето и смртта на својот татко, главниот лик во романот понира длабоко во сопствениот свет, но и во светот што тревожно го опкружува. За мото на романот земен е познатиот стих на Џони Штулиќ: “Светлината почнува со тивкото менување на моите побуди”. Тој стих најдобро зборува за атмосферата на романот и за суптилната поетика на најценетиот српски стилист.