Автор: Јарослав Хашек
Книгата „Шашави раскази” е избор од најдобрите куси раскази на Хашек, заедно со подолгиот циклус раскази „Командантот на градот Бугулма”. Хашек е најпознат како мајстор на хуморот и сатирата. Неговиот хумор се напојува од таканаречените вечни човечки мани и слабости, но расказите зрачат и со огромна емпатија за оние луѓе кои општеството ги жигосало како аутсајдери.
Силен критичар на бирократските механизми, писател со одлично чувство за создавање лик и драмска ситуација, Хашек опишува ситуации кои иако се бескрајно смешни истовремено се и крајно реалистични. Иако на мигови неговиот хумор може да ни изгледа фриволен, тој е крајно ангажиран автор кога станува збор за вивисекцијата на авторитативните и конзервативни сили во општеството.