Автор: Пандалф Вулкански
Никола Груевски испишува 250 провокативни хаику, со раката на Пандалф Вулкански! Ретко видено удвојување на ракописите и перцепциите… Поговорот дава само делумен одговор за овој необичен поетичко-политички гест… Дали е можно со помош на 250 куси записи да се направи досега најкомплексното портретирање на човекот што мошне негативно и мошне снажно одбележа еден период од македонската современа историја?
Политичарот кој направи пустош, особено во културната сфера, во книгава како да го добива својот посуптилен глас… Политиката која ќе остане запаметена по примитивизмот, агресивноста, неартикулираноста и неспособноста за саморефлексија овде како да добива своевидна длабочина, израз, можеби дури и психолошко оправдување за катастрофата што ја остави зад себе… Благиот но прецизен хумор спречува збиркава да биде прекумерно тревожна и мрачна…